Posted June 07th 2023
Mae Anhwylder Gorfywiogrwydd Diffyg Sylw, a elwir hefyd yn ADHD, yn gyflwr niwroddatblygiadol sy’n effeithio ar tua 1 o bob 20 o bobl ifanc. Mae prif symptomau ADHD yn cynnwys lefelau ansylw sy’n amhriodol o ran oedran, gorfywiogrwydd a byrbwylltra sy’n ymyrryd â gweithredu bob dydd.
Mae merched a menywod ifanc yn aml yn colli allan ar gymorth cynnar ar gyfer diagnosis ADHD, a allai yn ei dro arwain at ddatblygu afiechyd meddwl.
Mae hyn oherwydd bod merched a menywod ifanc yn llai tebygol o gael diagnosis, a allai fod oherwydd gwahaniaeth yn y symptomau a welir rhwng y rhywiau. O ganlyniad, nid yw llawer yn cael diagnosis tan eu bod yn oedolion.
Mae angen deall profiadau a chyflwyniad ADHD yn well ymhlith merched a menywod ifanc.
Bydd hyn yn caniatáu i ADHD gael ei adnabod mewn merched a menywod ifanc yn gynharach gan arwain at fynediad cyflymach at gymorth.
Mae angen cefnogaeth gynharach, gan gynnwys cydnabod ADHD ymhlith merched a menywod ifanc, a mynediad at driniaeth, i wella iechyd meddwl a lles pobl ifanc ag ADHD.
“Mae’n bwysig i ymchwilwyr glywed yn uniongyrchol gan unigolion sydd â phrofiadau byw o ADHD, yn ogystal â rhieni a gweithwyr proffesiynol sy’n cefnogi pobl ifanc sydd wedi cael diagnosis o ADHD, er mwyn deall yn well sut y gallwn weithio tuag at wella gwasanaethau ADHD i bobl ifanc,” meddai Arweinydd y Prosiect, Dr Joanna Martin.
Nod yr astudiaeth hon, a ariennir gan Ymchwil Iechyd a Gofal Cymru yw ymchwilio i’r cyflwyniad a’r ADHD mewn merched a menywod ifanc.
Mae rhagor o wybodaeth am yr astudiaeth ar gael ar ein tudalen astudio
Sylwer: Gan ein bod wedi cael cymaint o ymatebion, rydym wedi cau’r astudiaeth hon ar gyfer pobl ifanc. Os ydych yn rhiant/gofalwr neu’n weithiwr gofal iechyd/addysg proffesiynol, hoffem glywed gennych o hyd. Diolch am gefnogi ymchwil NCMH.
Pwy a all gymryd rhan?
- Oedolion ifanc 18-25 oed sy’n uniaethu â bod yn fenyw, yn anneuaidd neu’n drawsryweddol, ac sydd â diagnosis o ADHD neu ADD (anhwylder diffyg sylw)
- Rhieni/gofalwyr merched 5-18 oed sydd wedi cael diagnosis o ADHD neu ADD gan feddyg neu weithiwr iechyd proffesiynol arall
- Gweithwyr addysg neu ofal iechyd proffesiynol sydd â phrofiad o weithio gyda phobl ifanc, yn enwedig merched, ag ADHD
- Rhaid eich bod yn byw yng Nghymru neu’r DU ehangach
Beth y mae’n ei olygu?
Os ydych yn gymwys i gymryd rhan:
- Bydd oedolion ifanc yn cymryd rhan mewn cyfweliad un-i-un a fydd yn para rhwng 30 a 60 munud
- Bydd rhieni/gofalwyr a gweithwyr proffesiynol yn cymryd rhan mewn grwpiau ffocws gyda rhieni/gofalwyr neu weithwyr proffesiynol eraill yn yr un maes gwaith (yn y drefn honno), a fydd yn para 90 munud
- Bydd y cyfweliadau a’r grwpiau ffocws yn cynnwys cwestiynau a thrafodaeth am y modd y mae ADHD yn ymgyflwyno mewn merched, a phrofiadau bywyd o dyfu i fyny ag ADHD.
Adnoddau
Gofrestru ar gyfer y cylchlythyr