Diolch

Diolch am gymryd rhan yn ein hymchwil a bod yn rhan o#TeamNCMH.

Diolch am gymryd rhan yn yr ymchwil. Heb i bobl roi eu hamser yn hael i rannu eu profiadau, ni fyddem yn gallu gwneud y gwaith pwysig rydym yn ei wneud i wella dealltwriaeth o achosion cymhleth Anhwylder Dysfforig Cyn Mislif.

Roedd y cwestiynau’n ymdrin â rhai pynciau emosiynol a deallwn y gallant weithiau godi atgofion neu deimladau anodd fel tristwch neu ddicter. Gall y wybodaeth isod fod o gymorth os ydych yn teimlo bod angen cymorth ychwanegol.

Os ydych chi’n poeni am sut rydych chi’n teimlo, rydym yn argymell eich bod yn cysylltu â’ch meddygfa. Byddant ar gael yn ystod oriau swyddfa a gyda’r nos ac ar benwythnosau drwy’r gwasanaeth y tu allan i oriau.

Mae’r sefydliadau canlynol yn cynnig gwasanaethau gwrando, cymorth emosiynol a gwybodaeth am ddim:

International Association for Premenstrual Disorders

Samaritans

Shout Crisis Text Line

SANEline

The Mix

C.A.L.L - Llinell Gymorth lechyd Meddwl ar gyfer Cymru

Mind

Diolch unwaith eto am gymryd rhan yn yr ymchwil, mae eich cyfraniad yn amhrisiadwy.

Cadwch mewn cysylltiad

Byddem wrth ein bodd yn cadw mewn cysylltiad ac yn y pen draw yn adeiladu cymuned o unigolion ymgysylltiedig ledled Cymru a thu hwnt i chwifio’r faner ar gyfer ymchwil iechyd meddwl a’n helpu i herio stigma a chamddealltwriaeth.

Mae yna nifer o ffyrdd y gallwch chi ein helpu i wneud hyn, gan gynnwys:

Rhannwch ein hastudiaeth arlein

Mwyaf o bobl sy’n cymryd rhan yn ein hastudiaeth, y mwyaf y byddwn yn gallu dysgu am effaith PMDD.

Os ydych chi’n hapus i wneud hynny, byddem wrth ein bodd pe byddech chi’n rhannu eich bod chi wedi cymryd rhan ar gyfryngau cymdeithasol ac annog eraill i wneud yr un peth.

Ac er ein bod ni’n siarad cyfryngau cymdeithasol, gallwch ein dilyn ar Twitter ac Instagram a hoffi ein tudalen ar Facebook. Byddwn yn rhannu diweddariadau o’n hymchwil, blogiau a phodlediadau a phytiau newydd o’r digwyddiadau rydyn ni’n eu mynychu.

Ysgrifennwch blog

Mwynhau ysgrifennu? Rydyn ni bob amser yn chwilio am flogiau gwesteion o’n cymuned, felly p’un a oeddech chi eisiau rhannu’ch profiadau personol o iechyd meddwl neu a oes pwnc penodol yr hoffech chi ysgrifennu amdano, anfon ebost i info@ncmh.info a’n bydd y tîm cyfathrebu mewn cysylltiad.

Ni fyddwn yn gallu derbyn pob cyflwyniad ac mae’n well gennym rai meysydd i gadw’n glir ohonynt (fel gwleidyddiaeth!). Porwch ein postiadau diweddaraf i gael syniad o’r math o gynnwys rydyn ni’n ei gyhoeddi.

Hyrwyddwyr Ymchwil

Ein hyrwyddwyr yw pobl sydd wedi cymryd rhan yn ein hymchwil ac wedi cytuno i rannu eu profiadau o gymryd rhan mewn ymchwil yn ogystal â straeon am eu profiadau personol o iechyd meddwl.

Mae hyn yn ein helpu i gyfrannu at y frwydr yn erbyn stigma yn ogystal â dangos i eraill eu bod, trwy gymryd rhan mewn ymchwil, yn gwneud cyfraniad cadarnhaol at well dealltwriaeth ar gyfer y dyfodol.

Rydym hefyd yn cynnwys ein hyrwyddwyr mewn amrywiaeth o feysydd eraill o’n gwaith ymgysylltu, gan gynnwys:

Wrth siarad am eu profiadau yn ein digwyddiadau
Rhannu eu straeon yn y cyfryngau (print, ar-lein, teledu a radio)
Gofyn am adborth ac awgrymiadau ar ein deunyddiau hyrwyddo ac addysgol

Helpu i lunio ymchwil

Adnoddau NCMH

Mae gennym hefyd nifer o adnoddau a allai fod yn ddefnyddiol i chi.

Gwybodaeth am feddyginiaeth

Fideos a phodlediadau

Offer

Blog Posts

25 Mar

Mae’r drydedd rhan o gyfres Gweminarau Gaeaf i Fenywod yn canolbwyntio ar iechyd meddwl mamau gydag Action on Postpartum Psychosis.

12 Mar

Ymchwilwyr o’r Ganolfan Genedlaethol Iechyd y Meddwl (NCMH) yn dangos y gorau o’u hoffer digidol mewn digwyddiad Llywodraeth Cymru ym Mrwsel.

11 Mar

Defnyddio dyfeisiau clyfar i ragfynegi cyfnodau o seicosis