Adnodd sgrinio Iselder ymhlith Oedolion (PHQ-9)

Mae eich atebion yn awgrymu, yn ôl pob tebyg, nad ydych yn dioddef o iselder ar hyn o bryd.

Mae cael ambell bwl o deimlo’n isel yn gyffredin ac mae hyn yn debygol o wella ar ei ben ei hun. Fodd bynnag, os bydd eich hwyliau yn gwaethygu neu os na fyddant yn gwella dros yr ychydig wythnosau nesaf, dylech naill ai ddarllen mwy am iselder a sut i ymdopi ar wefan NHS Choices neu gysylltu â’ch meddyg teulu i gael cyngor.

Er bod eich atebion yn awgrymu efallai nad ydych yn dioddef o iselder yn yr ystyr glinigol, nid yw hyn yn golygu na allwch gael cymorth – os ydych yn ei chael hi’n anodd ymdopi, mae pobl ar gael i helpu.

Yng Nghymru, gallwch gysylltu â CALL, sef gwasanaeth gwrando a chymorth cyfrinachol i unrhyw un sy’n pryderu am ei iechyd meddwl, neu am iechyd meddwl perthynas neu ffrind. Ffoniwch 0800 132 737 neu tecstiwch “help” a’ch cwestiwn i 81066.

Gallwch hefyd gysylltu â’r Samariaid. Mae’r Samariaid ar gael 24 awr y dydd, 7 diwrnod yr wythnos ac yn cynnig cymorth emosiynol cyfrinachol i bobl sy’n profi teimladau o drallod neu anobaith neu sy’n meddwl am hunanladdiad. Gallwch ffonio’r Samariaid ar 116 123.

Mae eich atebion yn awgrymu efallai eich bod yn dioddef o ffurf ysgafn ar iselder.

Gallai wella gydag amser heb fod angen triniaeth, ond cadwch lygad barcud ar eich hwyliau. Dylech ddarllen mwy am iselder a sut i ymdopi ar wefan NHS Choices. Os byddwch yn teimlo nad ydych yn gwella (er enghraifft, dros gyfnod o bythefnos) neu eich bod yn gwaethygu, cysylltwch â’ch meddyg teulu i ofyn am gyngor.

Er bod eich atebion yn awgrymu iselder ar ffurf gymharol ysgafn, nid yw hyn yn golygu na allwch gael cymorth – os ydych yn ei chael hi’n anodd ymdopi, mae pobl ar gael i helpu.

Mae eich atebion yn awgrymu efallai eich bod yn dioddef o ffurf gymedrol ar iselder.

Dylech gysylltu â gweithiwr iechyd proffesiynol (fel meddyg teulu neu nyrs) neu wneud apwyntiad i’w weld a gofyn am ei gyngor. Mae’n bosibl y bydd angen rhywfaint o driniaeth arnoch er mwyn eich helpu i wella.

Mae ystod o driniaethau ar gael i helpu pobl sy’n dioddef o iselder, sydd nid yn unig yn cynnwys meddyginiaeth ond hefyd yn cynnwys therapïau siarad fel cwnsela neu therapi ymddygiad gwybyddol. Gall eich gweithiwr iechyd proffesiynol roi cyngor i chi ar gael gafael ar y cymorth hwn.

Mae’r Samariaid yn ffynhonnell arall o gymorth a chefnogaeth. Mae’r Samariaid ar gael 24 awr y dydd, 7 diwrnod yr wythnos ac yn cynnig cymorth emosiynol cyfrinachol i bobl sy’n profi teimladau o drallod neu anobaith neu sy’n meddwl am hunanladdiad. Gallwch ffonio’r Samariaid ar 116 123.

Mae eich atebion yn awgrymu efallai eich bod yn dioddef o ffurf fwy difrifol ar iselder.

Gall hyn gael effaith fwy difrifol ar eich iechyd a’ch lles, ac mae’n fwy tebygol bod angen rhyw fath o driniaeth arnoch er mwyn eich helpu i wella. Dylech gysylltu â gweithiwr iechyd proffesiynol (fel meddyg teulu neu nyrs) neu wneud apwyntiad i’w weld cyn gynted â phosibl a gofyn am ei gyngor.

Mae’n bosibl y bydd yn awgrymu therapïau siarad fel cwnsela neu therapi ymddygiad gwybyddol, meddyginiaeth, neu gyfuniad o’r triniaethau hyn.