Help gyda’n hymchwil iechyd meddwl mamau

NCMH a ariennir gan Lywodraeth Cymru ac a arweinir gan Brifysgolion Caerdydd, Abertawe a Bangor yw NCMH. Fe’i hariennir gan Ymchwil Iechyd a Gofal Cymru, Llywodraeth Cymru. Cyfarwyddwr y Ganolfan Iechyd Meddwl Genedlaethol yw’r Athro Ian Jones.

Byddwch yn cael cyfle i ymuno â’r astudiaeth ar ôl i chi ddarllen drwy’r wybodaeth a’i deall.

Gobeithiwn y bydd dysgu mwy am effaith profiadau bywyd ar les mamau ac iechyd meddwl yn arwain at ffyrdd newydd a gwell o adnabod a darparu cymorth ar adegau o angen.

Fodd bynnag, nod hirdymor yw hwn o hyd ac ni fyddwch yn manteisio’n uniongyrchol ar hyn o gymryd rhan yn yr astudiaeth hon.

Gall yr arolwg hwn gynnwys ateb cwestiynau a allai beri gofid i rai pobl.

Yn yr arolwg, rydym wedi cynnwys dolenni ar gyfer gwybodaeth am sefydliadau y gallwch eu galw os oes angen rhywfaint o gefnogaeth arnoch.

Dim ond tîm yr astudiaeth fydd â mynediad i’ch data. Dim ond tîm yr astudiaeth fydd yn cysylltu â chi’n uniongyrchol.

Bydd yr holl wybodaeth a gesglir yn ystod yr ymchwil yn cael ei chadw’n hollol gyfrinachol. Mae deddfau llym sy’n diogelu eich preifatrwydd ar bob cam.

Yn unol â’r Ddeddf Diogelu Data a’r Rheoliad Diogelu Data Cyffredinol (GDPR), bydd eich gwybodaeth yn cael ei chadw’n gyfrinachol trwy neilltuo cod astudio unigryw i’ch data. Ni fydd eich cyfeiriad e-bost yn cael ei drosglwyddo i unrhyw un a bydd yn cael ei storio mewn lleoliad ar wahân i weddill eich data. Ni fydd eich enw a’ch gwybodaeth adnabod yn cael eu trosglwyddo i unrhyw un.

Pan fyddwch yn cytuno i gymryd rhan a chofrestru, gofynnir i chi roi manylion cyswllt a gwybodaeth arall amdanoch eich hun fel eich dyddiad geni a’ch manylion cyswllt. Bydd gofyn i chi hefyd ateb rhai cwestiynau am eich lles, beichiogrwydd presennol neu ddiweddar, iechyd meddwl, eich profiadau bywyd, yn ogystal â’ch profiadau yn ymwneud â COVID-19.

• Byddwn yn cysylltu â chi bob 6–12 mis i ofyn cwestiynau i chi am eich iechyd meddwl, eich iechyd cyffredinol a’ch ffordd o fyw.
• Weithiau byddwn yn gofyn am wybodaeth nad ydych wedi’i rhoi o’r blaen. Weithiau byddwn yn gofyn yr un cwestiynau ag o’r blaen, er mwyn i ni allu gweld sut mae eich ffordd o fyw a’ch iechyd yn newid.
• Yn ogystal â’r cyswllt rheolaidd hwn, mae’n bosibl y bydd tîm yr astudiaeth yn cysylltu â chi o bryd i’w gilydd er mwyn gofyn i chi gymryd rhan mewn astudiaethau newydd.
• Mae’n bosibl y byddant yn cysylltu â chi am fod gennych gyflwr penodol (er enghraifft, iselder).

Yn gyntaf, bydd angen i chi ymuno â’r astudiaeth. Mae hyn yn cynnwys darllen y wybodaeth hon ac yna gydsynio isod. Dylai hyn gymryd tua 5 munud. Gallwch gymryd cymaint o amser ag y bydd ei angen arnoch i benderfynu a hoffech gymryd rhan ai peidio.

Unwaith y byddwch wedi ymuno, byddwn yn gofyn rhai cwestiynau i chi. Dylai hyn gymryd tua 30-40 munud. Gwyddom ein bod yn cael y data gorau os ydych yn gallu ateb y cwestiynau hyn ar yr un pryd, ond os nad yw hyn yn bosibl am ryw reswm yna gallwch ddod yn ôl i’r wefan yn ddiweddarach oherwydd gallwch arbed eich atebion ar ôl i chi orffen set o gwestiynau.

Ar ôl yr asesiad cychwynnol hwn, byddwn yn cysylltu â chi ynglŷn â chwblhau’r asesiad dilynol o fewn y pythefnos canlynol ac yna os ydych yn feichiog ar hyn o bryd, byddwn yn cysylltu â chi ar ddau bwynt amser yn y flwyddyn gyntaf ar ôl genedigaeth.

Os ydych wedi rhoi genedigaeth yn ddiweddar, byddwn yn cysylltu â chi eto ymhen chwe mis. Bydd y sesiynau dilynol hyn yn gofyn mwy o gwestiynau i chi am eich profiadau, eich iechyd meddwl a’ch iechyd cyffredinol a’ch ffordd o fyw. Weithiau byddwn yn gofyn am wybodaeth nad ydych wedi’i rhoi o’r blaen. Weithiau byddwn yn gofyn yr un cwestiynau i chi ag o’r blaen fel y gallwn weld sut mae pethau wedi newid.

Yn ogystal â’r cyswllt rheolaidd hwn, efallai y bydd tîm yr astudiaeth yn cysylltu â chi o bryd i’w gilydd, i ofyn i chi gymryd rhan mewn astudiaethau newydd. Efallai y byddwn yn cysylltu â chi oherwydd rhywbeth rydych wedi ei ddweud wrthym (er enghraifft, eich oedran). Gall timau ymchwil eraill gynnal yr astudiaethau hyn. Byddwn yn rhoi mwy o wybodaeth i chi am yr astudiaethau hyn gan gynnwys pam mae’r gwaith ymchwil yn cael ei gynnal, beth y gellid gofyn i chi ei wneud a sut i gofrestru.

Eich lle chi yw penderfynu a ydych am gymryd rhan yn yr astudiaethau newydd hyn.

Ni fydd yn effeithio ar eich cyfranogiad yn arolwg cyffredinol Lles Mamau, Iechyd Meddwl a phrofiadau bywyd NCMH os yw’n well gennych beidio â chymryd rhan.

Nid oes rhaid i chi gymryd rhan yn yr astudiaeth hon. Os byddwch yn penderfynu cymryd rhan, bydd gennych hawl o hyd i dynnu’n ôl o’r astudiaeth ar unrhyw adeg, a hynny heb roi rheswm.

Os byddwch yn penderfynu tynnu’n ôl o’r astudiaeth, bydd yr holl fanylion rydych wedi’u rhoi yn cael eu dinistrio. Ni fydd y rhain yn cael eu defnyddio ymhellach yn yr astudiaeth ymchwil.

Astudiaeth hirdymor yw hon a fydd yn caniatáu inni ddysgu am effaith COVID-19 ar iechyd meddwl. Bydd y wybodaeth a roddwch yn cael ei storio i’w defnyddio yn y tymor hir (o leiaf 15 mlynedd).

Ni fydd gennych unrhyw hawliad i unrhyw ddefnydd masnachol yn y dyfodol o ganlyniadau’r astudiaeth y defnyddiwyd eich data ynddo. Er mwyn gwneud y defnydd gorau o adnoddau byddwn yn rhannu data (yn ddienw i eithrio unrhyw fanylion personol) gyda gwahanol grwpiau o ymchwilwyr o’r GIG, prifysgolion a chwmnïau masnachol, yn y DU a thramor. Fodd bynnag, byddem yn pwysleisio na fydd y sefydliadau hynny byth yn cael mynediad at wybodaeth bersonol / adnabod (er enghraifft, eich enw, cyfeiriad, dyddiad geni).

Mae’r astudiaeth wedi cael cymeradwyaeth foesegol gan y Gwasanaeth Moeseg Ymchwil Cenedlaethol a chaniatâd gan y GIG (Ymchwil a Datblygu).

Gallwch, gallwch gysylltu â Dr Vanessa Davies ar 029 2068 8340 neu ar daviesvj@cardiff.ac.uk. Gallwch hefyd ysgrifennu ati yn:

Dr Vanessa Davies

Rheolwr y Sefydliad
Sefydliad Ymchwil Niwrowyddoniaeth ac Iechyd Meddwl
3ydd Llawr,
Adeilad Hadyn Ellis
Ffordd Maindy
Caerdydd
CF24 4HQ