Posted April 01st 2021
Wedi’i ariannu gan Lywodraeth Cymru a’i redeg gan Brifysgol Caerdydd, bydd gwasanaeth HHP Cymru nawr yn gweithredu o’r Is-adran ochr yn ochr â chanolfannau ymchwil iechyd meddwl sy’n arwain y byd fel NCMH, Sefydliad Ymchwil y Niwrowyddorau ac Iechyd Meddwl (NMHRI), a Chanolfan Geneteg a Genomeg Niwroseiciatreg MRC (MRC CNGG).
Dywedodd yr Athro Jon Bisson, Cyfarwyddwr HHP Cymru a Dirprwy Gyfarwyddwr NCMH:
Rwy’n falch iawn bod HHP Cymru bellach yn rhan o’r Is-adran Meddygaeth Seicolegol a Niwrowyddorau Clinigol. Byddwn yn gweithio’n agos gyda NCMH i ategu ei ymdrechion ymchwil sy’n arwain y byd gyda gwasanaeth clinigol rhagorol i bobl sy’n gweithio i GIG Cymru.
“Mae HHP Cymru wedi ehangu’n sylweddol yn ystod y pandemig COVID-19, wedi derbyn adborth cadarnhaol iawn gan y rhai y mae’n eu cefnogi ac rwy’n hyderus y bydd ei gartref newydd yn hwyluso ei ddatblygiad ymhellach.”
Sefydlwyd HHP Cymru i ddarparu cymorth iechyd meddwl cyfrinachol am ddim i feddygon yng Nghymru. Ymestynnodd ei gefnogaeth i holl staff y GIG yng Nghymru yn ystod pandemig y coronafeirws.
Sut gallwch chi gael cefnogaeth
Os ydych chi’n gweithio i’r GIG yng Nghymru a’n dymuno cael cefnogaeth, gallwch atgyfeirio’ch hun ar-lein.
Byddwch yn derbyn ebost o fewn 24 awr gyda dyddiad ac amser eich apwyntiad ffôn gyda Chynghorydd sy’n Feddyg a fydd yn eich asesu ac yn eich cyfeirio at un neu fwy o’r gwasanaethau canlynol:
- Hunangymorth
- Cefnogaeth gan gymheiriaid
- Hunangymorth gydag arweiniad
- Therapi seicolegol wyneb yn wyneb rhithwir
Sut y gallwch chi wirfoddoli
Os ydych chi’n weithiwr iechyd proffesiynol yng Nghymru ac yr hoffech wirfoddoli ar gyfer y gwasanaeth, ewch i HHP Cymru i gael manylion.
Rhagor o wybodaeth
- Gwefan: Iechyd i Weithwyr Iechyd Proffesiynol Cymru (HHP Cymru)
- Dilynwch HHP Cymru ar Twitter
Gofrestru ar gyfer y cylchlythyr