Ymchwilydd yn dweud ei ddweud am anhwylder osgoi a chyfyngu ar gymeriant bwyd ar bodlediad Full of Beans

Posted November 11th 2026

Mae ymchwilydd o'r Ganolfan Genedlaethol er Iechyd Meddwl (NCMH) wedi siarad am anhwylder bwyta sy'n llai adnabyddus, o'r enw anhwylder osgoi a chyfyngu ar gymeriant bwyd.

Rydyn ni wrth ein bodd yn cyhoeddi bod yr ymchwilydd, Dr Sam Chawner, wedi siarad yn ddiweddar am yr anhwylder osgoi a chyfyngu ar gymeriant bwyd (ARFID) ar y podlediad ‘Full of Beans’.

Mae Dr Sam Chawner yn cynnal ymchwil ar ARFID.

Mae ARFID yn anhwylder bwyta lle mae unigolion yn cyfyngu ar faint o fwyd, neu’r mathau o fwyd, y maen nhw’n eu bwyta. Yn ôl Dr Chawner, amcangyfrifir bod ARFID mor gyffredin ag awtistiaeth, ond ychydig iawn sy’n hysbys amdano.

Yn y podlediad gyda chyflwynydd y podlediad Full of Beans, Hannah Hickinbotham, mae Sam yn sôn am fylchau mewn ymchwil i ARFID, ac am y prosiect y mae’n helpu i’w ehangu ar y cyd â Choleg y Brenin, Llundain.

• Gwrandewch nawr ar Full of Beans

• Cofrestrwch i gael diweddariadau am ymchwil i ARFID yn NCMH